Права на субјектот на лични податоци
Со овој документ, ние како Контролор на лични податоци – Приватна здравствена установа-поликлиника со ординации од специјалистичко-консултативна здравствена заштита НЕУРОМЕДИКА Скопје, со седиште: улица Јордан Мијалков бр.62 Скопје – Центар, со електронскка пошта neuromedica@neuromedica.com.mk (во понатамошен текст Неуромедика) – овозможуваме информации за обработката на личните податоци и вашите права поврзани со оваа обработка.
Нашата визија за заштита на личните податоци:

Неуромедика посветува големо внимание на заштитата на личните податоци во сите свои деловни процеси, имплементирајќи ги стандардите поставени со прописите за приватност и заштита на личните податоци во Република Северна Македонија, кои се подетално разработени во интерните Политики и процедури кои го сочинуваат системот на заштита на лични податоци на Неуромедика
Политиката за приватност е објавена на нашата интернет страна: https://neuromedica.com.mk/

Цел на обработување на личните податоци:
Испраќање на медицински резултати, како и други потребни информации за лекувањето и понатамошната терапија. Испраќање на информации за услуги и новости и настани поврзани со Неуромедика.
Опис на целта на обработувањето:
Доколку Вие ни дадете согласност за известување во електронска форма ние ќе испраќаме на маил адресата која вие ќе ни ја доставите резултати од медицински прегледи како и сите останати потребни информации за вашето лекување или понатамошна терапија Доколку вие ни дадете согласност за директен маркетинг, ние ќе ве додадеме во регистерот на Неуромедика и редовно ќе ви испраќаме вести и новости кои содржат информации за услугите и случувањата поврзани со Неуромедика.
Правен основ за обработка на вашите лични податоци:
Правниот основ за обработка на вашите лични податоци е ваша дадена изречна согласност.
Категории на лични податоци кои ние ги обработуваме:
Име и презиме
Телефонски контакт
e-mail адреса
Дијагноза и останати медицински податоци
Описни податоци/коментари
Права на Корисниците- субјекти на лични податоци

Субјектите на личните податоци имаат право да:
– бидат информирани за обработката на нивните лични податоци
– да пристапат до нивните лични податоци и
– да ги дополнат, изменат, избришат или да бараат запирање на користењето на нивните лични податоци.
Во продолжение, следува детално појаснување во однос на овие права:
– Во фукнција на транспарентност, Неуромедика има обврска да го извести корисникот за целите и правната основа на обработката на неговите лични податоци
– Секој корисник има право да пристапи до своите лични податоци
Барањето за пристап до податоците се доставува до писмена форма до објектот на Неуромедика или се пополнува на на некој од дигиталните канали на Неуромедика
Неуромедика е должен да одговори на корисникот во рок од 15 дена од денот на примеот на барањето, при што нема обврска повторно да одговори на исто или слично негово барање, ако во меѓувреме нема промени во неговите лични податоци, освен ако изминале шест месеци од денот на доставувањето на претходното барање до новото барање.
Доколку коринсикот не добие одогвор на барањето за пристап до лични податоци, може да поднесе барање за утврдување на повреда на правото на заштита на личните податоци пред Агенцијата за заштита на личните податоци.
Корисникот има право да бара дополнување, изменување, бришење или запирање на користењето на неговите лични податоци.
По барање на корисникот, Неуромедика е должен да ги дополни, измени, избрише или да го запре користењето на личните податоци, ако податоците се нецелосни, неточни или неажурирани и доколку нивната обработка не во согласност со закон. Независно од тоа дали корисникоот има поднесено барање за дополнување, изменување или бришење на личните податоци, доколку Неуромедика утврди дека личните податоци се нецелосно, неточни или неажурирани, должен е истите да ги дополни, измени или избрише.
Неуромедика е должен најдоцна во рок од 30 дена од денот на приемот на барањето, писмено да го извести субјектот на лични податоци за направените промени.
Рок на чување на вашите лични податоци:
Податоците кои се обработуваат од страна на Неуромедика за цели на остварување на вашите права, ќе се чуваат согласно законските рокови, а податоците кои се обработуваат согласно дадена согласност ќе се чуваат се до повлекување на Вашата согласност за нивна обработка за наведената цел.
Категории на обработувачи на кои би можеле да пренесеме лични податоци:
На агенција која учествува во испраќање на вести.
Друштво на осигурување.
Фонд за здравствено осигурување.
Агенција за лекови.
Лекарска комора.
Државен санитарен и здравствен испекторат.
Добавувачи на лекови и медицински делови.
По барање, вашите лични податоци може да бидат пренесени до државни институции, конкретно Министерство за внатрешни работи, Судови и други државни установи согласно Законот.
Компанијата може да ги открие вашите лични податоци доколку таквата акција е неопходна за: усогласување на некоја законска норма, сперечување или истражување на можни грешки при давање на услугите од страна на компанијата и заштита на личната безбедност на корисниците на услугата или на јавноста.
Извори на лични податоци:
Ние ги добиваме личните податоци директно од Вас.
Автоматско одлучување врз основа на личните податоци:
При обработка на личните податоци не се случува автоматско одлучување.
Кои се вашите права ?
Со цел да ги остварите Вашите права кои произлегуваат од Законот за заштита на личните податоци (право на пристап, корекција, бришење, ограничување на обработката на Вашите лични податоци, приговор и преносливост), упатете барање на електронската адреса на офицерот за зашитта на личните податоци: pravnasluzba@neuromedica.com.mk
Доколку сметате дека е повредено некое ваше право за заштита на личните податоци, имате право да поднесете барање за утврдување на прекшување на прописите за заштита на личните податоци пред Агенцијата за заштита на личните податоци како надлежен орган за вршење надзор над законитоста на преземените активности при обработката на личните податоци на територијата на Република Северна Македонија.

Со почит,

НЕУРОМЕДИКА СКОПЈЕ