Процедура за остварување на права на субјектот на лични податоци во ПЗУ МЕДИКА Скопје

Вовед

Во согласност со Законот за заштита на личните податоци (член 16 – член 27), контролорот е должен да ги превземе сите соодветни мерки за обезбедување на сите информации кои се потребни да субјектот на лични податоци биде известен за своите права. Со оваа интерна процедура се уредуваат правата на приватност и начинот на пристап на податоците на субјектот, во врска со обработката на личните податоци, а особено процедурите поврзани со обработката на личните податоци, и правата на субјектот во однос на контролорот, и начинот на исполнување на истите тие права.

Запирање на обработка на личните податоци

Субјектот на лични податоци има право со поднесување на Барање за запирање на обработката на личните податоци, да побара запирање на обработката на неговите лични податоци, освен кога личните податоци се обработуваат со цел:

• извршување на работи од јавен интерес или по основ на службено овластување на ПЗУ МЕДИКА Скопје или доколку податоците се откриени на трето лице или
• исполнување на легитимните интереси на ПЗУ МЕДИКА Скопје, или на трето лице на кое податоците му се откриени, освен ако слободите и правата на субјектот на лични податоци не преовладуваат над таквите интереси

Доколку Барањето е основано, ПЗУ МЕДИКА Скопје е должен да ја запре понатамошната обработка на личните податоци.

Измена, дополнување или бришење на личните податоци

По поднесено Барање за дополнување, измена или бришење на информации за обработка на личните податоци од страна на субјектот на лични податоци, ПЗУ МЕДИКА Скопје е должен да ги дополни, измени, избрише или да го сопре користењето на личните податоци.

Дополнување, измени, бришење или сопирање на користењето на личните податоци се прави и во случај кога ПЗУ МЕДИКА Скопје ќе утврди дека личните податоци се нецелосни, неточни или неажурирани, односно доколку нивната обработка не е во согласност со законските одредби.

Барање на информации од страна на субјектот

Субјектот на лични податоци може да достави Барање за доставување на информации за обработка на личните податоци од страна , со кое бара да биде информиран:

• дали се обработуваат неговите лични податоци;
• за целите и правната основа на обработката на личните податоци;
• корисниците или категориите на корисници на кои им се откриваат личните податоци;
• за изворот на податоци.

Права на субјектот на личните податоци

Кога податоците се прибираат од субјектот на лични податоци тој мора да биде информиран за:

• идентитетот на Kонтролорот;
• идентитеот на Офицерот
• целите на обработката;
• корисниците или категориите на корисници на личните податоци;
• надворешни субјекти со кои би можеле да се споделат личните податоци;
• задолжителноста на давање на одговори на прашања кои вклучуваат лични податоци;
• можните последици ако не се даде одговор и
• постоењето на право на пристап и право на исправка на неговите лични податоци.

Сите Барања за остварување на правата на субјектот на лични податоци, можат да се достават до архивата на ПЗУ МЕДИКА Скопје, на дигиталните канали на ПЗУ МЕДИКА Скопје и преку јавување во контакт центарот.

Секое уредно примено Барање ќе биде проследено и доставено до Офицерот за заштита на личните податоци на ПЗУ МЕДИКА Скопје. Офицерот за заштита на личните податоци е должен да одговори и/или достави информација до субјектот на лични податоци, за секое уредно примено Барање во рок од 15 дена сметано од денот на прием на Барањето.

При подготовката на одговорот, Офицерот за заштита на лични податоци може да побара поддршка и информации од Секторот за човечки ресурси и Секторот за ИТ, доколку процени дека истото е потребно.

Доколку ПЗУ МЕДИКА Скопје еднаш одговорил и/или доставил информација за одредено Барање од страна на субјектот на лични податоци и не изминале 6 месеци од денот на доставувањето на претходното барање, нема обврска повторно да одговори на исто или слично барање на тој субјект, ако во меѓувреме нема промени во неговите лични податоци.

Ограничувања на правата на субјектот на лични податоци

Правата на субјектот на лични податоци утврдени во претходните точки можат да се ограничат во посебни случаи кога со нивното практикување ќе се загрози остварувањето на правата и обврските на ПЗУ МЕДИКА Скопје предвидени со закон, договорен основ или статистички цели, како и поради заштита на безбедноста и одбраната на државата, откривање и гонење на сторители на кривични дела и заради заштита на правата и слободите на субјектот на лични податоци или правата на другите физички лица.

Обработка на личните податоци за други цели

Во случај да е потребна обработка на личните податоци за други цели, контролорот за да утврди дали обработката за други цели е во согласност со првичната цел за која биле собрани личните податоци, е должен меѓу другото да ги земе предвид:

– секоја поврзаност помеѓу целите заради кои се собираат личните податоци и целите за предвидената понатамошна обработка,

– контекстот во кој биле собрани личните податоци, особено во поглед на односите помеѓу субјектите на лични податоци и контролорот,

– природата на личните податоци, а особено дали се обработуваат посебни категории на лични податоци,

– можните последици од предвидената понатамошна обработка за субјектите на лични податоци,

– постоењето на соодветни заштитни мерки кои може да вклучуваат криптирање или псевдонимизација

За таа цел, Офицерот за заштита на лични податоци ќе подготви техничка анализа за целта за која се планира да се обработуваат податоците а е различна од првичната цел за која се собрани податоците и ќе даде одобрување за таквата обработка.

Прилози